Ny nettside om satsinga Lokal samfunnsutvikling i kommunane (LUK). Kommunal- og regionaldepartementet har vidareutvikla sine nettsider om satsinga Lokal samfunnsutvikling i kommunane (LUK).

Du kan no abonnere på nyheitsvarsel frå sida. Regjeringa har sett i gang satsinga Lokal samfunnsutvikling i kommunane. Den skal gjere kommunane enda betre til å planlegge, mobilisere, samarbeide og gjennomføre utviklingstiltak.
Sida blir jamnleg oppdatert med nye saker om aktivitetar i satsinga.

På den nye nettsida kan du no blant anna lese om:
· Ein rådmann sine forventingar til satsinga
· Korleis Hedmark set i verk satsinga gjennom konkrete læringsprosjekt
· Korleis Møre og Romsdal brukar nye metodar for å lære av framtida
· Korleis Sogn og Fjordane vil bli betre til å jobbe med planlegging saman med kommunane
· Oversikt over viktige aktørar og verkemiddel
· Ofte stilte spørsmål
· Kontaktinformasjon til viktige aktørar

Samarbeid om utvikling Nettsida er utvikla etter innspel frå fylkeskommunane. Nettstaden har adressa www.regjeringa.no/luk og ligg under KRD sine sider på www.regjeringa.no.

KRD vil jamleg oppdatere nettsida med artiklar om kva som skjer i satsinga og halde fram med å vidareutvikle sida særleg saman med fylkeskommunane og kommunar.
Hovudmålet er å inspirere dei involverte i satsinga, vere samlingsstad og arena for læring og kunnskapsutvikling. Samtidig skal sida informere og inspirere alle som har interesse for lokal samfunnsutvikling.

· Nettsidene om satsinga Lokal samfunnsutvikling i kommunane (LUK)
· Abonner på nyheitsvarsel frå nettsida